2025.6.15-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,574,808 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2025.6.8 《前一篇

回應

給他日記貼紙

給他愛的鼓勵

檢舉

篇名: 2025.6.15
作者: C	日期: 2025.06.15　　天氣: 　心情:

今仔日是六月十五。禮拜日。我佇葛雷多摸非。
昨昏早起對新厝載囡仔轉來。對外口開鐵門了，予囡仔先入去看電視，我就其太太的機車去國民市仔。
照太太報的路-對麥麵包彼擔-早時換賣衫仔褲入去，到第一個路口正手爿，就是賣豬跤擔。
因為昨日先註文，所以等伊揀一枝跤庫現撩，和500箍的滷味，攏總收1000箍。
我閣斡去里歐買早頓70，711買糙米奶25，五金行買一包薰80，買了才轉來。
我先啟去放屎了才落來。阿母阿爸已經準備好矣，等阿姐十點捾菜轉來。
出門了行高速，先去路竹頭前擔買米粉佮羹，才越轉去北嶺墘。
兩位阿舅阿妗已經咧無閒矣。
我佮走出去捾涼仔，走三位才買好，因為草地所在竟然無無糖的茶。
無偌久阿姨表兄弟佮外勞嘛來矣。
經過遐爾久無見面，看著老人開講嘛真歡喜。
下晡唱歌，我嘛無客氣連唱三條。
囡仔講欲去拍球，我只好取伊去附近學校耍。
雖然已經毋是透中晝，日頭也是誠大。拍甲規身軀汗。
我共囡仔講，因為陪阿爸阿母(阿公阿媽)來，所以末離開傷久
另日若是咱家己來，就會當耍較久咧。
囝仔嘛誠乖，隨綴我轉去。
逐家攏繼續唱歌唱甲誠歡喜。
阿姨規家先轉去，阮到六點外點才走
欲走時，阿舅佮提兩份滿月油飯閣檨仔與阮提轉去，一份是欲予阿姐的。

轉去時，先去阿姐兜樓跤予捾起去。
轉去了，阿母叫我先食暗，欲八點外才載囡仔去新厝。

這擺二舅有澹薄仔失志，毋知是啥物原因
毋過我甲若會當體會，是身體原因影響上班心情，需要暖機。
逐家攏老矣，我嘛無少年
毋過序大佇我這个年歲嘛無我這老款，應該是我愛注意較著。

標籤:

瀏覽次數:1 人氣指數:1 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：