2023.7.24-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,739 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.7.21 《前一篇

後一篇》 2023.7.26

回應

給他日記貼紙

給他愛的鼓勵

檢舉

篇名: 2023.7.24
作者: C	日期: 2023.07.24　　天氣: 　心情:

今仔日是七月二四，禮拜一。我佇葛雷多摸非。
頂禮拜六7/22(六)
早時講欲去武廟拜拜，結果囝仔一直拖時間。
買果子了先拜樓跤聖帝祖，閣起去拜觀世音菩薩。
太太一直跋桮問裝潢的代誌，一直攏無桮，落尾，就只好請菩薩做主。
囡仔嘛想欲學跋桮，我就佇邊仔教伊問，看伊咧問誠古錐，結果毋是笑桮，就是無桮。
結果傷晏轉來，中晝囡仔補英語課，煞趕袂赴，晏較欲半點外鐘。
路口有救護車停咧，我無法度入去，就先予太太囡仔落車行入去，
等救護車駛走，我才進前斡出來，開轉去厝食中晝。

太太囡仔下課轉來時，講向時救護車佇遐，是因為到位的十外分鐘前有人跳樓....
加哉菩薩保庇，予咱慢十外分鐘到，無直接拄著。

下晡幫囡仔報名迪卡儂跤球體驗，取伊去夢時代對面耍。
囡仔誠久無踢球矣，看伊走甲誠爽快。
厲害的囡仔猶誠濟，有兩三个是國校跤球隊的，

拄著囡仔噗噗嚕同學嘛佇邊仔學直排輪。
下課瞭兩家就住內底踅，予囡仔佇內底耍。
暗時轉來，去忠孝夜市食素食。

禮拜7/23(日)
囡仔誠晏才起床。我趁伊放屎時，練彼條旋轉木馬，已經練起來矣。
太太講欲取囡仔去夢時代耍，因未按時欲閣去迪卡儂體驗籃球課。
我無想欲遮爾早去。太太就怪講袂輸囡仔干焦伊咧顧。
我聽了無啥歡喜。
太太攏無愛佇厝，一直想欲出去踅，
就取囡仔做伙。一方面是有藉口出去，一方面嘛是無愛囡仔佇厝會懶絲會看電視。
但是我毋是按呢想。
我佇厝裡愛顧阿爸阿母，共伊鬥做工課。老人嘛愛人陪。
小妹取囡仔佮妹婿轉來，阿姆攏想欲予伊時較好咧，嘛疼外孫，但是老人跤手較無方便，攏叫我鬥做。
我就愛逐工陪阿母去菜市仔買鮮魚仔、買雞肉來煮。

我先落去陪阿爸阿母食中晝，就講下晡欲陪囡仔出去，太太講欲先去圖書總館看冊，
因為閣約囡仔同學做伙。我驚太太閣罵，所以只好先起去收衫，太太載囡仔先去，我才行去。
佇圖書館看一晡的冊，欲去迪卡儂的時，煞雷公爍壏落大雨，籃球課無開。
等雨停，只好去食暗頓，我叫麻油炒飯，囡仔佮太太公家食一碗鍋燒麵。
結果攏是囡仔食去，太太可能食無飽。

我最近開始想欲研究看日。
本來是用拗指頭仔算，結果上網佮看著農民曆的十二建除神，
閣看著紫白星....愈看愈濟，煞攏霧煞煞去矣。
我應該愛好好整理一下，建立家己較簡單的方法。

標籤:

瀏覽次數:155 人氣指數:155 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：