2021.12.15-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,739 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2021.12.12(日) 《前一篇

後一篇》 2021.12.19

回應

給他日記貼紙

給他愛的鼓勵

檢舉

篇名: 2021.12.15
作者: C	日期: 2021.12.15　　天氣: 　心情:

今仔日是十二月十五日禮拜三，我請假半工，佇彩巴摸非。
拄才為戶政過來，因為補辦證件。早起載囡仔去幼稚園了，隨開去公司囥車，行去附近的戶政半身分證。
我一直想袂起來皮包仔囥佇佗位。
十月底十一月初辦阿公抾骨代誌時，猶有佇咧，
彼咧拜六禮拜，有娶某囝去台南。
..............................
啥物!拄才寫到一半，先轉去看較早的日記，看有啥線索的時，
服務生突然出來，提一的皮包仔，問講敢是我的？
正是正是！
原來落佇遮！
看我已經偌久無來遮矣。我若跤摸非咧，先來遮，嘛袂閣了200元補辦。
真正是毋知欲按怎講。笑嘛笑袂出來，號嘛號無聲。
先敲電話共太太講。

前幾日，開一個卦叫做漸。
我想講，若照時間看，應該是先無，閣揣嘛無，這禮拜就會出現。
太太講，佇東北方，
結果真正有影。

..............

昨昏12/14(二)感覺無爽快。透早開會，老大仔無啥通講，就放伊準備的影片，是這幾年伊來公司的發展。
先是為著產品抽查，我的進度有較慢，總嘛是交出去。
中晝趕筆記袂赴印，
下班前閣拄到上困難彼關。
轉去了，閣愛教囡仔食飯，因為伊總愛佇逐家看新聞時，大聲應話，無啥禮貌
閣過食了款糞嗇，樓頂樓跤走，
想著愛辦證件，取囡仔去捷運站翕相。
轉來，太太嘛轉來矣，伊做伊佇房間運動，等八點，我就愛先幫囡仔洗身軀
洗了換我洗，用囡仔洗過的洗身軀水。
只有洗身軀時，我才有小可歇睏。
聽著房間內太太大小聲喝，伊跟囡仔彈琴。
我緊出來，陪佇邊仔練，談煞才會當耍玩具。
等欲耍玩具時，我共車仔和軌道倒出來，囡仔已經悿到趴佇眠床，
太太早起攏覔佇便所，就愛我跟囡仔換衫出門，
暗時伊晏轉來，嘛愛我跟囡仔時飯洗身軀。
伊陪囡仔實在只有點外鐘。
.............................................

禮拜載阿爸阿母轉來時，阿爸予我看伊佇手機仔畫的圖，畫伊細漢時穿制服的形。
我就講我這馬煞揣無專業閣重心。
以早我學畫圖，但是我實在無美感，
閣過我學中文、學寫詩，停一站仔無寫了，這改比賽無著等，嘛無信心。
這嘛靠台語，嘛無影摮，只是有頭路通換一喙飯。
我趕真正愛遮？
無知是迷？抑是醒？

逐工時間攏用佇厝內工課、有閒就拍電動行棋，抑無就是看影片
用腦用心的時間真少。只有寫日記時，才會當留寡清醒。
我應該愛安怎做才好？

標籤:

瀏覽次數:159 人氣指數:559 累積鼓勵:20

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：